పూల బతుకమ్మ(Floral Festival of Telangana) | కవీశ్వర్ కే. జయంత్ కుమార్

ఆకేసి-ఒక్కేసి సందమామా – సిబ్బిపై ఒదిగేది సందమామా 

గుమ్మడాకుపీటేసి సందమామా – గునుగు పూలమరేను సందమామా 

|| ఆకేసి ఒక్కేసి సందమామా ||

పూలన్నీ అమరేసీ సందమామా – దేవీనీ పెట్టీరీ సందమామా 

బొడ్డెమ్మ ఆడీరీ సందమామా – పూజలూ సల్పిరీసందమామా 

ఏరోజు కారోజూ సందమామా – బోనములిచ్చిరీ సందమామా 

సద్దుల బతుకమ్మా సందమామా – నీటీలో విడిచీరీ సందమామా 

|| ఆకేసీ ఒక్కేసీ సందమామా || 

సుఖంగా సాగినా జీవితానా – కరోనా వచ్చేను సందమామా 

రక్షణ లేకనే సందమామా – లోకులూ గీట్టీరీ సందమామా 

చేతూలూ కడుక్కోనీ సందమామా – మాస్కులూ ధరించీసందమామా 

దూరంగా ఉండేటీ సందమామా – సంసారా కళ్యాణం సందమామా 

|| ఆకేసీ ఒక్కేసీ సందమామా || 

కీడుగల క్రిములను సందమామా – నశియింప జేసేయి సందమామా 

ప్రకృతీ  కొలిచేము సందమామా – రోగాలూ – కష్టాలూ సందమామా 

రాకుండా చేసేయి సందమామా –  మమ్మల్ని రక్షించు సందమామా 

శక్తుల రప్పించీ సందమామా – సల్లంగా కాచూమూ  సందమామా  

|| ఆకేసీ ఒక్కేసీ సందమామా || 

–

@ కే. జయంత్ కుమార్, టీచర్, BVBV స్కూల్, NIRD క్యాంపస్, రాజేంద్రనగర్, హైదరాబాద్